...اشترينا الترماي
مش مهم مين اللي مات
السؤال الصح هو مات ليه؟
عشان التوقيت الصيفي يتغير
وللا لأجل وطن حر نعيش فيه
هو مات عشان نعمل محكمة
... ونجيب للقاتل سرير ينام عليه
وللا عشان مدرس عايز علاوة
وموظف نفسه مرتب الف جنيه
هو ليه يابهية عمري دمنا رخيص
ده الشهيد مات عشانك كرميه
هو ذنبه انه حبك ومات في حبك
ليه بسرعة في النسيان بتدفنيه
وعشان الخيبة والنزاهة والبلاهة
القاتل في المحكمة بتهننيه
ودكتور جنبه ونايم علي جنبه
وطيارة تجيبه وحرس يحميه
ناقص نحيبله الشهيد محبوس
والتهمة ان الشهيد اتبلي عليه
هو احنا ركبنا فيل الهند بدري
وللا القاتل البراءة بتنده عليه
ومحكمة وشهود ودفاع موجود
وحيث ان ولما كان وقول يابيه
يااخي.....نفسي أقولها مرة
افهم وكمل مايلي يااخي يابيه
جبت اهبل وعبيط وسألتهم
رأيكم في اللي بيجري ايه
ردوا قالوا في صوت ساخر
انتوا اشتريتوا الترماي يابيه
ليست هناك تعليقات:
إرسال تعليق