ياجرح مين جددك تاني
وليه بتصحي همي وأحزاني
هو مكتوب عليك تنجرح
وللا الدنيا لحزنها وخداني
....................................ياجرح مين جددك تاني
... كنا سوا وكان الهوي
يعشق لقانا وعمرنا
مين السبب هي وللا أنا
ومين فاتك بالجرح وحداني
..................................ياجرح مين جددك تاني
ياقلبي استني وارجع هنا
ليه بس بتجدد جرح عمرنا
ما كفاية اللي فاتنا لجرحنا
ليه بتحن لعذابنا من تاني
....................................ياجرح مين جددك تاني
من جرح عشته باحلفك
ياقلبي دي مش دنيتك
جربت مرة ومشيت سكتك
ورجعت تحضن جرحي واحزاني
.........................................ياجرح مين جددك تاني
ماتقولش ياحب الحب مش لينا
داحنا لو عطشنا الوحدة تسقينا
حتي السهر مكتوب عليه يبكينا
ولسة ياقلبي هتعيده من تاني
.........................................ياجرح مين جددك تاني
ياقلبي خلاص أنا منك برئ
أطفي نارك تقيد ليه الحريق
لو كنت عايز تلقالك رفيق
روح وسيبني هنا وحداني
ليست هناك تعليقات:
إرسال تعليق